Baladweyne-(SONNA)-Maamulka gobolka Hiiraan ayaa abaalmarin guddoonsiiyay geesiyaal ka tirsan ciidamada macawisleyda oo howlgal qorsheysan ku dilay dhagar qabe ka tirsanaa Khawaarijta, kaasi oo ay ka fuliyeen deegaanka Ceelka-baar gacanlow ee dhaca galbeedka magaalada Beledweyne.
Guddoomiyaha gobolka Hiiraan Mudane Muuse Salaad Wehliye ayaa geesiyaasha fuliyay howlgalka ku wareejiyay laba qori oo AK-47 ah, kuwaasi oo qeyb ka ah ballanqaadyadii maamulka gobolka Hiiraan horay u shaaciyay.
Guddoomiyaha ayaa sidoo kale ballan qaaday in abaalmarinno la guddoonsiin doono cidkasta oo cadowga Khawaarijta ah naafaysa.
