Muqdisho.SONNA…Wasiirka Wasaaradda Xanaanada Xoolaha Mudane Xassan Xuseen Maxamed ayaa sheegay in In ka badan malyan iyo labo boqol oo neef oo xoolo ah sanadkaan laga dhoofiyay gudaha dalka Soomaaliya.
Wasiirka oo la hadlay warbaahinta qaranka ayaa sheegay in dhoofinta xoolaha ee sanadkaan ay yihiin tiro ka badan kuwii la dhoofin jiray sanadihii lasoo dhaafay,sababo la xiriira iyadoo uu soo wanaagsanaanaayo xiriirka wax wada qabsi ee u dhaxeeya dalal kamid ah Soomaaliya iyo kuwa dunida.
Mudane Xassan Xuseen Maxamed ayaa xusay in suuqa iibgeynta xolaha Soomaaliya uu soo hagaagayo,sidaa daraadeedna loo baahan yahay in maalgashi lagu sameeyo ganacsiga xoolaha.
Dhoofinta xoolahaan ayaa illaa hadda ka socota dekedaha Berbera,Boosaaso ,Muqdisho iyo kuwo kale,iyagoo ku socda dalalka Sacuudiga Lubnaan,Cumaan iyo kuwo kale.
