Wasiirka Warfaafinta XFS oo Muqdisho ka Furay Shirka Horumarinta Fillimada Soomaaliyeed “Sawirro”

Wasiirka Warfaafinta XFS oo Muqdisho ka Furay Shirka Horumarinta Fillimada Soomaaliyeed “Sawirro”

SHARE

Muqdisho (SONNA)- Wasiirka Wasaaradda Warfaafinta Xukuumadda Federaalka Soomaaliya Mudane Daahir Maxamuud Geelle ayaa maanta daah furay shir looga hadlayey  siddii loo Horumarin lahaa Filimada Soomaaliyeed iyo Faaf reebka  Filimada, waxaana uu socon doonnaa kulankaan muddo labo maalin ah.

Furitaanka Kulanka ayaa Waxaa ka soo Qeyb  Galay Wasiirka Wasaaradda Warfaafinta Xukuumada Federaalka Soomaaliya, Agaasimaha guud ee Wasaaradda,  Agaasimaha Wakaaladda Filimada ,Agaasimaha SONNA, Abwaanno,  Mas ‘uuliyiin ka Socday Xarumaha  Keybalada ka shaqeeya filimada, aqoonyahano iyo marti sharaf kale.

Inta uu kulanka socday ayaa waxaa si weyn looga dooday muhiimadda wakaaladda filimada Soomaaliyeed ay leedahay iyo doorka ay ka qaadan jirtay horumarinta  filimada iyo faafreebka, waxaana laga hadlay in muhiim ay tahay in loo baahanyahay in la dardar galiyo  horumarinta wakaalada filimada soomaaliyeed.

Agaasimaha Wakaalada  Filimada Soomaaliyeed Mudane Salax Shire Shabeel  ayaa ka warbixiyay howlaha wakaaladda filimada Soomaaliyeed isagoo sheegay in doorkii Wakaaladda Filimada uu soo laabtay ayana Xoogga saari doonaan sidii loo heli lahaa Filimaan tayo leh kuwaas oo ilaalinaya dhaqanka suuban ee umadda Soomaaliyeed.

Agaasimaha guud ee wasaaradda Warfaafinta xukuumadda Soomaaliya Mudane C/raxmaan Yuusuf Alcadaala ayaa ka hadlay muhiimada ay wakaalada filimada u leedahay Bulshadda Soomaaliyeed iyo doorka ay qaadan karta xiligan isagoona sheegay in shirkan laga sugaya in ay ka soo badaan wax wanaagsan kuwaas oo tusaale wanaagsan u noqon karo Horumarinta Filimada Soomaaliyeed.

Wasiirka Warfaafinta Xukuumadda Federaalka Soomaaliya Mudane Daahir Maxamuud geelle  oo furay shirkan socon doono maanta iyo Barito ayaa sheegay in loo baahan yahay in la ilaaliyo xuquuqda filimada, si loo dhowro anshaxa filimada.

Ku Dhawaad Sodon Sano kadib Wasaaradda Warfaafinta Xukuumadda Federaalka Soomaaliya ayaa qaadeysa tallaabo dib boorka looga jafayo Wakaaladda Fillimada Soomaaliyeed, iyaddoo Wasaaradda ay diyaarineyso Sharciga Copyright-ka.

LEAVE A REPLY