Muqdisho-(SONNA)-Wafdi uu hoggaaminayo Guddoomiye kuxigeenka labaad ee Golaha Aqalka sare Mudane Cabdullaahi Cali Xirsi oo ay qeyb ka yihiin Wasiirka Arrimaha Gudaha ee Xukuumadda Federaalka Soomaaliya, Mudane Cali Yuusuf Cali (Xoosh), wasiirro, iyo xildhibaanno, ayaa maanta gaaray magaalada Laascaanood ee caasimadda Dowlad Goboleedka SSC-Khaatumo.
Hoggaamiyaha Dawlad Goboleedka SSC-Khaatumo Mud. Cabdiqaadir Axmed Aw-Cali ayaa kulan la qaatay wefdi ka socday Dowladda Federaalka Soomaaliya oo uu hogaaminayo Gudoomiye ku-xigeenka labaad ee Aqalka Sare Mud. Cabdillaahi Cali Xirsi, ayna qayb ka yihiin Wasiirrada Arrimaha Gudaha, Tamarta iyo Biyaha, Xildhibaano iyo Masu’uuliyiin kale.
Wafdigan ballaaran ayaa magaalada Laascaanood u tegay si ay uga qeyb-galaan Shirweynaha dhameystirka maamul-dhiska SSC-Khaatumo oo maanta halkaas ka furmaya.
