Muqdisho(SONNA):-Taliyaha Ciidanka Booliiska Soomaaliyeed Sarreeye Guuto Asad Cismaan Cabdullaahi ayaa xalay kormeer howled ku tagay goobo dhowr ah oo ay saameyn ku yeesheen roobabkii ka da’ay Magaalada Muqdisho.
Taliyaha ayaa boogaadiyay ciidanka Booliiska oo gurmad bini’aadanimo u sameeyay shacabka ku dhaqan caasimadda Muqdisho oo qaarkood ay waxyeello u geysteen daadadkii ay dhaliyeen roobabkii xalay.
Mas’uuliyiinta kale ee booqday goobaha ay saameeyeen roobabka waxaa kamid ahaa Taliyaha Qeybta Guud ee Booliska Gobolka Banaadir Macalin Mahdi, Gudoomiye ku xigeenka Amniga iyo Siyaasadda Maamulka Gobalka Banaadir Maxamed Axmed Yabooh iyo Saraakiil ka tirsan Ciidanka Booliiska.
Roobabkii xalay ayaa saameyn ku yeeshay isu socodka dadka iyo gaadiidka,waxaana goobaha ugu daran kamid ah waddooyinka ku yaalla Degmooyinka Waaberi,Hodan ,Xamar Jajab,Wadajir,Boondheere,Yaqshid iyo kuwo kale.
