Kulan ka tirsan horyaalka Somali Premier League oo galabta lagu wado inuu ka dhaco garoonka Eng Yariisow.

La wadaag cid kale

Muqdisho(SONNA)-  Kulan ka tirsan horyaalka Somali Premier League ayaa galabta lagu wada inuu ka dhaco garoonka Eng Yariisow Stadium.

Kooxaha Mogadishu City Club iyo Midnimo ayaa ku coltami doona garoonka kubadda cagta Eng Yariisow,ciyaartan oo qeyb ka ah horyaalka Somali Premier League fasal ciyaareedkan 2019-20.

Kulankan ayaa ah mid aad u xiiso badan maadama kooxda Mogadishu City Club ay rabto inay dib ugu soo laabato waddada guulaha.

Kooxda Mogadishu City Club kulankii ugu dambeyay waxa ay barbaro 1-1 la soo gashay kooxda Elman.

Halka naadiga Midnimo ciyaartii ugu dambeysay ay 4-0 ugu soo adkaatay naadiga Jazeera Sports Club.

Wiilasha Mogadishu City Club waxaa kulanka galabta ka maqnaanaya ciyaaryahankeeda Xasan Santos kaas oo qaba dhaawac jilibka ah.

Naadiga Midnimo kulanka galabta badi xiddigaheeda waa taam.

Ogeysiis ciyaarta:-

Tartanka: Somali Premier League

Kooxaha: Mogadishu City Club vs Midnimo

Garoonka: Eng Yariisow Stadium

Saacadda: 3:30 galabnimo xilliga Muqdisho

La wadaag cid kale