Galmudug oo sheegtay in ay tayaynayso dhaqanka da’yarta+Sawirro

Dhuusamareeb-(SONNA)-Wasaaradda Warfaafinta, dhaqanka iyo dalxiiska Galmudug ayaa Magaalada Dhuusamareeb ka daah-furtay munaasabad lagu maamuusayo dhaqanka, si loo baro Dhalinyarada da’da yar muhiimada dhaqankooda u leeyahay iyo in ay faham wanaagsan ka kororsadaan sooyaalka dhaqankooda.

Wasiirka Warfaafinta Galmudug Axmed Shire falagle ayaa sheegay in Wasaraddu ay dedaal xooggan galineyso sidii loo dhisi lahaa xarumo lagu keydiyo agab dhaqameedyada, isla markaana la qorsheynayo in la maal-geliyo xirfadleyda soo saarta agabka kala duwan ee dhaqanka.

Munaasabaddan ayaa waxaa goob-joog ka ahaa qaar ka mid ah Wasiirrada Galmudug iyo qeybaha kala duwan ee Bulshada, iyagoo si wanaagsan usoo dhoweeyay hindisaha Wasaaradda Warfaafinta.