Muqdisho:( SONNA) Kulanka waxaa ka qeybgalay Mas’uuliyiin ka tirsan Dowladdaha Soomaaliya iyo Kenya, mas’uuliyiin horay xilal kala duwan uga soo qabatay dalka Soomaaliya oo uu Jiro Ra’iisal Wasaarihii dalka Mudane Cabdi Farah Shirdoon (Saacid), Hoggaanka Guddiga Ganacsatada Soomaaliyeed, madaxda Bangiyada dalka Kenya, Jaaliyadda Soomaaliyeed ee dalka Kenya iyo marti sharaf kale.
Danjiraha iyo qaar ka mid ah diblomaasiyiinta Safaaradda ayaa xarunta ku soo dhaweeyay Safiirada iyo mas’uuliyiin kale ee madasha lagu casuumay.
“Tani waxa ay ka turjumaysaa muhiimadda ay Safaaraddu ugu fadhido bulshada Soomaaliyeed meelkasta oo ay dunida ka joogaan”. Ayuu yiri Danjire Jabril.
Danjiraha ayaa xusay in hogaanka Ganacsatada Soomaaliyeed iyo doorka muhiim ah ka qaateen isku xirka Safaaradda iyo Jaaliadda Soomaaliyeed.
Danjire Jabriir mar uu ka hadlayay xiriirka diblomaasiyadeed ee Soomaaliya iyo Kenya ayaa yiri
“Xiriirka Soomaaliya iyo Kenya ayaa haatan maraya meeshii ugu sareysay, iyada oo labada dhinac laga wado howlo kaalin mug leh ka qaadanayo ganacsiga iyo isku-xirka labada dal”.
Wasaaradda Arimaha Dibadda ee dalka Kenya xaflada iftaarka u soo dirtay 15 mas’uuliyiin heerar kala duwan leh , si ay Afurka qeyb muhim ah uga qaataan.
Ugu dambeyn Danjiraha ayaa uga mahadceliyay intii ka soo qeybgashay kulanka, waana sanadkii labaad oo ay Safaaraddu qabaneyso kulankan oo kale inta uu joogo Danjire Jabriil
