Iyadoo ay sii socdaan duqeymaha Israa’iil ay ku hayso bartilmaameedyada Qasa,ayaa mas’uul u hadlay Xamaas waxa uu sheegay in aan la sii deyn doonin maxaabiista ay hayaan illaa lahelo xabad-joojin ka dhaqangasha Gaza.
Xubin ka tirsan wafdiga Xamaas ee booqanaya Ruushka ayaa sheegay in kooxdu aysan sii deyn karin maxaabiistii lagu qabtay weerarkii 7-dii October ilaa ay xabad joojin ka dhacdo Gaza.
Israa’iil ayaa sii wada duqeymaha ay ku hayso bartilmaameedyada Qasa, iyadoo garaaceysa dhismayaal la deggan yahay, waxayna dishay daraasiin Falastiiniyiin ah oo ay ku jiraan sagaal caruur ah.
Wasaaradda Caafimaadka ee Gaza ayaa daabacday magacyada kumannaan falastiiniyiin ah oo lagu dilay weerarrada Israa’iil,halka Madaxweynaha Mareykanka Joe Biden uu su’aal galiyay kalsoonida lagu qabi karo tirada dhimashada.
Ugu yaraan 7,028 falastiiniyiin ah ayaa lagu dilay weerarrada Israa’iil tan iyo 7-dii October, xilli Israa’iil ay ballan qaaday in ay sii wadi doonto duullaanka ay ku hayso dhulka Falastiiniyiinta.
In ka badan 1,400 oo qof ayaa lagu dilay weerarka Xamaas ku qaadeen Israa’iil,waxaana dhinaca kale,Maraykanka ay sheegeen in ay duqeeyeen goobo ku yaalla dalka Suuriya oo ay maamulaan Iiraan.
