Qaramada Midoobay oo ka walaacsan gantaalada loo adeegsado tareenada ee W/Kuuriya

La wadaag cid kale

Xubno ka tirsan Golaha Ammaanka ee Qaramada Midoobay ayaa isugu tagay  kulan degdeg ah oo ay albaabadu u xirnaayeen,isla markaana looga hadlaayey tijaabadii ugu dambeysay ee K/Woqooyi ay ku sameysay  gantaalada ballistic -ga ah oo loo arko halis weyn sida uu sheegay safiirka Faransiiska u fadhiya Qaramada Midoobay, Nicolas de Riviere.

Ka qeybgalayaasha kulankaasi ayaa isku afgartay in la cambaareeyo tijaabooyinkasi oo Kuuriyada Waqooyi ay ku tilmaantay  in la bilaabay nidaamka gantaalaha ee loo adeegsado  tareenada.

“Tani waxay khatar weyn ku tahay nabadda iyo amniga, waana xadgudub cad oo ka dhan ah go’aannada Golaha,” ayuu yiri” safiirka Faransiiska .

Gantaaladii ugu dambeeyay ee ay ridday Kuuriyada Waqooyi ayaa ah tijaabo cusub oo loo adeegsado ama ay qaadaan tareenada,si looga hortagto awood kasta oo khatar ku ah dalkaasi, sida ay ku warrantay wakaaladda wararka ee W/ Kuuriyada.

Gantaaladaasi ay maalinimadii Arbacada ay tijaabiyeen W/Kuuriya ayaa lagu waramay in ay jareen masaafo dhan 8-boqol oo Km, ka hor inta aysan ku dhicin bartilmaameedka badweynta bari ee Kuuriyada Waqooyi .

 

La wadaag cid kale