Kuuriyada Koonfureed oo sheegtay in Pyongyang ay tijaabisay laba gantaal

La wadaag cid kale

Kuuriyada Waqooyi ayaa maanta oo Arbaca ah laba gantaal oo ballistic ah ku ridday xeebteeda bari, sida ay sheegeen  saraakil ka tirsan  Kuuriyada Koonfureed, maalmo kadib markii Pyongyang ay xaqiijisay in ay ridday gantaal nooca riddada dheer ah.

Waa tijaabadii labaad ee Kuuriyada Waqooyi ay sameysay toddobaadkaan.

Hay’adaha sirdoonka ee Kuuriyada Koonfureed iyo Mareykanka ayaa samaynaya  baaritaan,mana jiraan wax faahfaahin ah oo ay ka bixiyeen gantaalladaas ay tuureen Woqooyiga Kuuriya.

R/ wasaaraha Japan Yoshihide Suga ayaa ku tilmaamay tijaabadaasi dhinaca gantaalada ah mid laga caroodo isagoo sheegay inay khatar ku tahay nabadda iyo amniga gobolka.

Dhowrkii sano ee la soo dhaafay Woqooyigu wuxuu dhisay barnaamijkiisa hubka Niyuklerka,ka dib markii sannadka 2019-kii ay burbureen wadahadallo u dhexeeyay Mareykanka iyo dalkaasi  oo ku saabsanaa in la qaado cunaqabateynta ,isla markaana  W/Kuuriya,uu joojiyo sameynta hubka qatarta ah.

Muddo 14-sano ah Kuuriyada Woqooyi,waxa ay tijaabisay 150-gantaal oo ballistic ah.

La wadaag cid kale