Ciidamada Puntland oo gacanta ku dhigay xubno looga shakiyay argagixiso

Boosaaso.(SONNA)…Ciidamada Puntiland ayaa howlgallo gaar ah oo lagu bartilmaameedsanaayo kooxo looga shakiyay in ay ka tirsan yihiin argagixisada Al-shabaab iyo Daacish ka fuliyay xafado dhowr ah oo ka tirsan magaalada Boosaaso.

Taliska ciidanka PSF ayaa sheegaya in howlgaladaasi  lagu soo qab qabtay xubo lala xiriirinaayo kooxaha Daacish iyo Al-Shabaab oo la tilmaamay in ay weeraro fulaynimo ah ka geystaan deegaanada Puntland.

War qoraal ah oo ka soo baxay taliskaasi ayaa sidoo kale lagu sheegay in haatan ay socdaan baaritaano ku aadan xaqiiijinta tuhunka laga qabo dadkaaasi  lagu  soo qabtay howlgalada .

Ugu dambeyn taliska ayaa ugu baaqay shacabka inay kala shaqeeyaan amniga, islamarkaana ay la soo wadaagaan xogaha ay ka hayaan kooxaha argagixisada.