.
Muqdisho(SONNA)-Kooxaha Heegan iyo Dekedda fc ayaa galabta kulan xiiso badan kuwada ciyaaray garoonka Eng Yariisow Stadium, ciyaar qeyb ka aheyd horyaalka Somali Premier League.
Qeybtii koowad ee ciyaarta ayaa lagu kala nastay 1-0 ay ku hogaamineyso kooxda Dekedda.
Goolka kooxda Dekedda ayaa ku yimid mid ay iska dhaliyeen xidigaha Heegan, sidaas ayeyna ciyaarta ku noqotay 1-0.
Markii dib la isku soo laabtay qeybta labaad ee ciyaarta labada kooxood ayaa waxay soo bandhigeen qaab ciyaareed aad u fiican, waxayna sameeyeen fursado badan ee goolal loo filan karay.
Balse kooxda Dekedda ayaa la timid goolkii labaad ee ciyaarta waxaana u dhaliyay ciyaaryahanka lagu magacaabo Khadar, wuxuuna ciyaarta ka dhigay 2-0 ay ku hoggaamineysay kooxda Dekedda.
Kooxda Heegan ayaa iyadana markeeda la timid gool, waxaana 2-1 ka dhigay Cabdimajiid Benteke.
Ugu dambeyntii ciyaarta ayaa waxay ku soo dhamaatay 2-1 ay guusha ku raacday kooda Dekedda, waxayna hoggaanka horyaalka ku qabteen saddex dhibcood nadiif ah.
