Wararka

Madaxweynaha dalka oo guutada 77 faray in ay noqdaan kuwo ay ku daydaan ciidamada kale ee Qaranka

Qoray Aadan SooyaalLuulyo 10, 20261 daqiiqo akhrisvisibility228

Muqdisho-(SONNA)-Madaxweynaha Jamhuriyadda Federaalka Soomaaliya mudane Xasan Sheekh Maxamuud ayaa guutada ilaalada madaxtooyada ku boorriyay inay noqdaan kuwo ay ciidamada kale ee Qaranka ugu daaydaan anshaxa, kala dambaynta, diyaarsanaanta ,dhowrista xeerarka ciidanka iyo ilaalinta hantida Qaranka. Madaxweynaha oo la hadlayay cutubyo ka tirsan guutada ilaalada madaxtooyada 77 ayaa intaa ku daray in xarunta taliska cusub loo diyaariyay qalabkii iyo xarumahii muhiimka u ahaa shaqada waxa dhimanna lasoo dhamaystiri doono isagoo intaa ku daray in Askarigii la yimaadda hawlkarnimo la abaal marin doono. Madaxweynaha Qaranka mudane Xasan Sheekh Maxamuud ayaa xusay in sanado kahor ay madaxda dalka iyo xarumaha muhiimka ahba ilaalin jireen ciidamo ajanebi ah maantana ay sharaf u tahay in ilaalinta madaxda dalka lagu aamino wiilal Soomaaliyeed. Madaxweyne Xasan Sheekh ayaa guutada 77 ku amaanay doorka ay ka qaataan difaaca dalka, isagoo xusay in ururro iyaga kamid ah ay ku maqan yihiin furimaha, wuxuuna ku boorriyay in ay sii laba laabaan dadaalkooda.

La wadaag

Sheekooyin La Xiriira

Wararka

Wasiir Fiqi oo ciidanka xoogga faray in ay diyaargaroobaan

Luulyo 10, 2026visibility227

Wararka

Taliyaha Taliska Ciidanka Gaarka ah oo dhiggiisa Dalka Talyaaniga kula kulmay Rome

Rome-(SONNA)-Taliyaha Taliska Ciidanka Gaarka ah ee Ciidanka Xoogga Dalka Soomaaliyeed, Sarreeye Guuto Aadan Maxamed Cumar, iyo wafdi uu hoggaaminayo, ayaa magaalada Rome ee dalka Talyaaniga kulan istiraatiiji ah kula yeeshay Taliyaha Taliska Ciidanka Gaarka ah ee Ciidamada Talyaaniga (ITA SOCOM), Admiral Paolo Pezzutti. Kulanka ayaa diiradda lagu saaray xoojinta iskaashiga milatari ee Soomaaliya iyo Talyaaniga, gaar ahaan horumarinta awoodaha Ciidanka Gaarka ah ee Xoogga Dalka Soomaaliyeed, kor u qaadista tayada tababarrada, is-dhaafsiga khibradaha iyo dardargelinta taageerada lagu kobcinayo awoodaha hawlgal ee ciidanka. Labada dhinac ayaa isku raacay in la sii xoojiyo iskaashiga istiraatiijiga ah, lana dardargeliyo dadaallada lagu dhisayo Ciidanka Gaarka ah ee Xoogga Dalka Soomaaliyeed si uu u noqdo ciidan xirfad leh, isku filan, isla markaana awood u leh fulinta hawlgallada gaarka ah ee lagu xaqiijinayo amniga iyo difaaca qaranka.

Luulyo 10, 2026visibility230

Wararka

Wasiirka Beeraha oo soo xiray Aqoon isweydaarsiga Qaran ee iskuduwidda mashruuca FSRP

Muqdisho-(SONNA)-Wasiirka Wasaaradda Beeraha iyo Waraabka JFS, Xil. Maxamed Cabdi Xayir (Maareeye), ayaa si rasmi ah u soo xiray Aqoon is weydaarsiga Qaran ee Isku duwidda iyo Qorsheynta Mashruuca FSRP. Munaasabadda xiritaanka aqoon is waydaaraiga waxaa goob joog ka ahaa Wasiirrada Beeraha ee Dowlad goboleedyada, Wasiirka Xannaanada Xoolaha ee Hirshabeelle, Agaasimayaasha Guud, Isku duwaha Qaranka ee Mashruuca FSRP, Isku duwayaasha mashruuca ee Dowlad goboleedyada iyo howl wadeeno kala duwan oo ka socday mashruuca. Intii uu socday aqoon is weydaarsiga, waxaa diiradda lagu saaray xoojinta isku duwidda, dib u eegista horumarka mashruuca iyo qorsheynta waxqabadka, iyadoo la isku raacay in la adkeeyo wada shaqeynta dhammaan dhinacyada fulinaya mashruuca, iyo in dib u eegis lagu sameeyo qorshayaasha si loo dardargeliyo hirgelintooda, isla markaana la xaqiijiyo in Mashruuca FSRP uu noqdo mid waara oo bulshada Soomaaliyeed u horseeda wax qabad muuqata, kana miro dhala heer ka sarreeya himilooyinkii loo dejiyay.

Luulyo 10, 2026visibility229