Hoggaamiyaha Galmudug oo ka qaybgalay caleema-saarka hoggaanka Hirshabeelle

Jowhar (SONNA): Hoggaamiyaha Dowladda-Goboleedka Galmudug Mudane Liibaan Axmed Xasan ayaa ka qaybgalay munaasabadda caleema-saarka Hoggaanka cusub ee Dowladda-Goboleedka Hirshabeelle, taas oo lagu qabtay magaalada Jowhar.

Hoggaamiye Liibaan Axmed Xasan oo khudbad ka jeediyey munaasabadda ayaa hambalyo iyo bogaadin u diray Hoggaanka cusub ee Hirshabeelle, isaga oo u rajeeyay guul, horumar iyo in ay shacabka Hirshabeelle u horseedaan hoggaan miro-dhal ah.

Sidoo kale, Hoggaamiyuhu waxa uu carrabka ku adkeeyay muhiimadda ay leeyihiin dib-u-heshiisiinta bulshada, midnimada iyo wadajirka dalka, isaga oo xusay in Hoggaanka cusub ay mas’uuliyad gaar ahi ka saaran tahay mideynta bulshada, xoojinta wadajirka iyo ka shaqaynta dowlad-dhiska Soomaaliya.