Wararka

Fanaaniinta Hobollada Qaranka oo Muqdisho ku soo bandhigay heeso waddani ah

Qoray Dahir Aadan CaliJuun 20, 20261 daqiiqo akhrisvisibility226

Guddiga qaban-qaabada toddobaadka xorriyadda iyo midninada ayaa galabta kormeer ku tagay fagaaraha daljirka daahsoon oo ay Kooxda Hobollada Waabari ku soo bandhigeysay heeso waddani ah.

Kooxda fanaaniinta Hobollada Waabari ayaa fagaaraha Daljirka Daahsoon ee degmada Boobdheere ku soo bandhigay heeso iyo ciyaaraha hiddaha iyo dhaqanka oo madaxdii iyo dadkii u daawasho tegay ay u riyaaqeen, waxayna inta badan heesaha goobta laga qaadayay ka tarjumayeen muhiimadda xorriyadda iyo midninada dalka.

Sidoo kale, Kooxaha Fanka ee Kooxda Horseed ee Ciidanka Xoogga Dalka Kooxda Fanka Danan ee Wasaaradda Dhallinyarada iyo Kooxda Hiddo ayaa maanta goobo kala duwan ka tirsan dagooyinka Hodan Boondheere Wartanabadda iyo Cabdulcasiis kusoo bandhigay badhig Faneedyo dadweynaha Soomaaliyeed lagu Baraarujinayo Qiimaha ay leedahay Xorriyadda.

Barnaamijkaan oo Qeyb ka ah Olole ballaaran oo uu Guddiga ee Qaran ee Qabanqaabada Xuska Todobaadka Xorriyadda Sandguurada 66-aad ee ka soo wareegatay markii ugu horreysay ee Calan Soomaaliyeed laga taagay Ciidda Soomaaliya uu ka wadaga dhammaan dogooyinka Gobalka Banaadir.

La wadaag

Sheekooyin La Xiriira

Wararka

Xeer ilaaliyaha Guud ee Qaranka oo xafiiskiisa ku qaabilay Xoghayaha Guud ee Golaha Mihnadlayaasha Caafimaadka

Juun 20, 2026visibility230

Wararka

Wasiirka Kalluumeysiga XFS oo ka qaybgalay kulan looga hadlayay cilmi-baarista iyo aqoonta badaha

Mombasa-Kenya-(SONNA)-Wasiirka Wasaaradda Kalluumaysiga iyo Dhaqaalaha Buluugga ee JFS, Mudane Axmed Xasan Aadan, ayaa ka qaybgalay shir doceed lagu qabtay intii uu socday Shirweynaha 11-aad ee Badaha kana dhacay magaalada Bombasa ee dalka Kenya, kaas oo ay soo qabanqaabisay UNESCO. Shirkan ayaa lagu falanqeeyay xoojinta sayniska, cilmi-baarista iyo aqoonta la xiriirta badaha, waxaana ka qaybgalay wafuud heer wasiir ah, madax ka socotay Midowga Afrika iyo khubaro ku xeel dheer arrimaha badaha. Intii uu socday kulanka, waxaa la soo saaray baaq wadajir ah oo ka kooban toddobo qodob, kaas oo dowladuhu ku ballanqaadeen inay xoojiyaan siyaasadaha taageeraya sayniska iyo aqoonta badda, isla markaana ay ilaaliyaan madaxbannaanida aqoonta iyo cilmi-baarista la xiriirta badaha. Mudane Axmed Xasan Aadan ayaa munaasabaddaasi ku saxiixay baaqa wadajirka ah ee Afrika, isagoo muujiyay sida ay Soomaaliya uga go’an tahay horumarinta cilmi-baarista badaha, xoojinta iskaashiga gobolka, iyo ka faa’iidaysiga khayraadka badda si waara. Waxaa la filayaa in shirkan uu door muhiim ah ka qaato joogtaynta iyo ballaarinta isweydaarsiga aqoonta, cilmi-baarista iyo khibradaha sayniska ee la xiriira badaha, kuwaas oo sare u qaadi doona iskaashiga iyo wadaagga xogta ee dalalka Afrika. Shirka waxaa wasiirka kala qeybgalay Agaasimaha Guud ee Wasaaradda, Mudane Cabdi Diirshe, Safiirka JFS ee Kenya, Danjire Jabriil Ibraahim Cabdulle, iyo khubaro kale oo ka socotay Wasaaradda Kalluumaysiga iyo Dhaqaalaha Buluugga.

Juun 19, 2026visibility244

Wararka

Booliska Gobolka Banaadir oo gacanta ku dhigay dhallinyaro faafineysay falal dhaqan xumo ah

Muqdisho-(SONNA)-Ciidanka Booliska gobolka Banaadir ayaa gacanta ku soo dhigay afar eedaysane oo ku kacay falal ka dhan ah anshaxa iyo akhlaaqda suubban ee Islaamka. Jamaal Xasan Faarax, Cabdirazaaq Maxamed Abuukar, Mumtaz Cukaasha Cali Nuur iyo Bishaaro Yuusuf Jaamac ayaa ku eedeysan in ay barahooda bulshada ku faafiyay muuqaallo muujinaya dhaqan-xumo, kuwaas oo si toos ah uga hor imanaya anshaxa suuban ee Islaamka iyo hab-dhaqanka bulshada Soomaaliyeed. Sida ku xusan qoraal ka soo baxay Ciidanka Booliska Soomaaliyeed ayaa lagu sheegay in dhammaan eedeysanayaashan ay haatan ku jiraan gacanta Booliska, ayna ku socdaan baaris ballaaran oo dhinacyo badan leh. Marka ay baaristu dhammaato ayaa dhallinyaradan loo gudbin doonaa maxkamadda awoodda u leh si sharciga loo waafajiyo.

Juun 19, 2026visibility244