Madaxweyne Xasan Sheekh oo ka qeyb galaya Meertada 31-aad ee Shirwaynaha Qaramada Midoobay ee Cimilada (COP31)

Muqdisho,(SONNA):- Madaxwaynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi ballaaran oo uu hoggaaminayo ayaa u socdaali doona magaalada Antalya ee dalka Turkiga, halkaasi oo ay uga qaybgali doonaan Meertada 31-aad ee Shirwaynaha Qaramada Midoobay ee Cimilada (COP31).

Madaxwyanaha ayaa khudbad ka jeedin doona Shir Madaxeedka Antalya oo qayb ka ah Shirwaynaha Cimilada ee COP31, isaga oo soo bandhigi doona qorshayaasha qaran ee ka hortagga iyo u adkeysiga waxyeellada taban ee isbeddelka cimilada oo ay ku jiraan, horumarinta tamarta cagaaran, ka hortagga nabaad-guurka iyo ahmiyadda ay leedahay wada-shaqaynta heer caalami ee dadaallada wax looga qabanayo arrimahaas.

Madaxwaynaha ayaa sidoo kale kulamo-doceedyo la yeelan doona Madaxda kala duwan ee shirka ka qaybgalaysa, isaga oo kala hadli doona xoojinta xiriirka iyo iskaashiga laba-geesoodka ee Soomaaliya kala dhexeeya dalalka kale.