Addis ababa-(SONNA)-Raโiisul wasaaraha dalka Itoobiya Abiy Axmed, ayaa maanta magacaabay golohiisa cusub ee wasiirrada, iyada oo Baarlamaanka la horgeeyay ayna ansixiyeen.
Saddex xubnood oo ka tirsan hogaamiyayaasha mucaaradka ayaa ku soo baxay liiska golaha wasiiradda cusub.
Abraham Belay, oo madax ka ahaa maamulka ku -meel -gaarka ah ee Tigray -ga oo ay dawladdu samaysay ka hor intii aanay xoogagga kacdoonku dib u qabsan gobolka ayaa hadda loo magacaabay Wasiirka Gaashaandhigga.
Golaha wasiirada ayaa waxa ay u kala magaacaban yihiin sidani hoos ku xusan:
- Damaqe Mokonin-raysalwasare ku xigeen ahna wasiirka arimaha dibada
- Malaku Alabal-wasiirka wasarada warshadaha
- wasaradda ganacsiga iyo isku xidhka gobolka
- Takala Uma -wasiirka wasarada macdanta
- Nasisi Milee-wasiirka wasarada dalxiiska
- Mufariyad Kaamil-wasiirka wasarada kobcinta shaqada
- Axmad Shide-wasiirka wasarada maliyada
- Laqe Ayalaw-wasiirka wasarada dakhliga
- Fisum Asafa -wasiirka wasarada qorshaynta iyo horumarinta
- Balate Moola-wasiirka wasarada hal abuurka iyo tiknolojiyada
- Dagmawit Mogos-wasiirka gaadidka iyo lojistikada
- Jaaltu saani-wasiirka wasarada magaaloyinka iyo adeegyada asasiga
- Habtamu Hitafa-wasiirka wasarada tamarta iyo biyaha
- Caisha Maxamad-wasiirka wasarada waraabka
15.Dr Birhanu Naga-wasiirka waxbarashada
16.Dr Liya Tadase -wasiirka wasarada caafimaadka
- Qajeela Mardasa-wasiirka wasarada dhaqanka iyo isbortiga
- Dr Abraham balay-wasiirka gashandhiga
- Cumar xusen-wasiirka wasarada beeraha
- Dr gediyon timatiyos-wasiirka cadaalada
- Binalfi anduwalem-wasiirka wasarada nabada
Baarlamaanka oo cod aqlabiyad ah ku ansixiyay Golaha Wasiirrada ee u soo magacaabay Abiy Axmed ayaa waxa ku hor dhaarisay guddoomiyaha maxkamadda sare ee dalka Itoobiya maโaza ashanafi.
Abiy Axmed ayaa laba maalmood ka hor waxaa loo dhaariyay in shanta sanadood ee soo socota uu hogaamiyo dalkaasi kaddib markii uu xisbigiisa ku guulaystay doorashadii muranka badan uu ka dhashay ee dalkaasi ka dhacday bishii Juun ee sanadkan.
