Kenya.(SONNA):- Dowladda Kenya ayaa sheegtay in maanta oo Arbaca ah 15 qof ku dhimatay shil gaari oo ka dhacay dalkaas.
Warka kasoo baxay dowladda ayaa sidoo kale lagu sheegay inay shilka ku dhaawacmeen dad gaaraya 12 qof kadib markii ay isku dhaceen laba bas oo maraayay waddada Malindi-Mombasa.
Labada bas ayaa u kala socday magaalada Gaarisa iyo magaalo xeebeedka Malindi oo ku taal koofur bari dalka Kenya.
Kumanaan Kenyan ah ayaa sanad walba naftooda ku waaya shilalka ka dhaca waddooyinka kala duwan ee dalkaas.
