Wararka

Yaa ku guuleysan doona Kursiga Kenya Iyo Jabuuti Ku Tartamaya ee Golaha Ammaanka Ee QM maanta ?

Qoray Aadan SooyaalJuun 17, 20201 daqiiqo akhrisvisibility148

Muqdisho(SONNA)-Dowladaha Kenya iyo Jabuuti ayaa Maanta oo Arbaco ah waxaa ay ku tartami doonaan Kursiga aan joogtada ahayn ee Golaha Ammaanka Qaramada Midoobay, kaasi oo la wada sugayo Natiijada kasoo bixi doonta. Codka ayaa waxaa uu qorshahu yahay inay dhiibtaan 15 waddan oo kamid ah Golaha Ammaanka Qaramada, iyadoona Kenya iyo Jabuuti midka kusoo baxa Codeynta uu kursigaas muhiimka heyn doono mudada labada sano ee soo socota 2021-2022. Natiijada codeynta ayaa soo bixi doonta 7:30 fiidnimo caawa ee saacada geeska Africa. Guusha Kursi Kursigan ayaa sidoo kale waxa u tartamaya dalal kale oo ay kamid yihiin: India, Mexico, Canada, Ireland iyo Norway , si loogu guuleysto kursiga waa in waddanka uu hela 3-dex meelood 2-ba meel codadka ay bixinayaan wadamada xubnaha ka ah QM ee codeyn kara. Djibouti waxa ay haysata fursado badan oo ay ku hanan karto kursigan, waxa dalkeeda fariisin Military ku leh 4 kamida dalalka uga awooda leh dunida sida Mareykanka, Shiinaha, Franciska, Iyo Ingiriiska, waana fursad saacidi karto. Kenya ayaa iyadana ku doodaysa in ay uga cad-cadahay tartanka marka loo eego Djibouti iyo dalalka kale kula loolamaya ayna haysato taageerada ururka midowga Africa ayna sameysay gallaangal diblomasi, balse la arki doone cida guusha raacdo caawo haddii uu Eeba idmo.

La wadaag

Sheekooyin La Xiriira

Wararka

Taliyaha Taliska Ciidanka Gaarka ah oo dhiggiisa Dalka Talyaaniga kula kulmay Rome

Rome-(SONNA)-Taliyaha Taliska Ciidanka Gaarka ah ee Ciidanka Xoogga Dalka Soomaaliyeed, Sarreeye Guuto Aadan Maxamed Cumar, iyo wafdi uu hoggaaminayo, ayaa magaalada Rome ee dalka Talyaaniga kulan istiraatiiji ah kula yeeshay Taliyaha Taliska Ciidanka Gaarka ah ee Ciidamada Talyaaniga (ITA SOCOM), Admiral Paolo Pezzutti. Kulanka ayaa diiradda lagu saaray xoojinta iskaashiga milatari ee Soomaaliya iyo Talyaaniga, gaar ahaan horumarinta awoodaha Ciidanka Gaarka ah ee Xoogga Dalka Soomaaliyeed, kor u qaadista tayada tababarrada, is-dhaafsiga khibradaha iyo dardargelinta taageerada lagu kobcinayo awoodaha hawlgal ee ciidanka. Labada dhinac ayaa isku raacay in la sii xoojiyo iskaashiga istiraatiijiga ah, lana dardargeliyo dadaallada lagu dhisayo Ciidanka Gaarka ah ee Xoogga Dalka Soomaaliyeed si uu u noqdo ciidan xirfad leh, isku filan, isla markaana awood u leh fulinta hawlgallada gaarka ah ee lagu xaqiijinayo amniga iyo difaaca qaranka.

Luulyo 10, 2026visibility229

Wararka

Wasiirka Beeraha oo soo xiray Aqoon isweydaarsiga Qaran ee iskuduwidda mashruuca FSRP

Muqdisho-(SONNA)-Wasiirka Wasaaradda Beeraha iyo Waraabka JFS, Xil. Maxamed Cabdi Xayir (Maareeye), ayaa si rasmi ah u soo xiray Aqoon is weydaarsiga Qaran ee Isku duwidda iyo Qorsheynta Mashruuca FSRP. Munaasabadda xiritaanka aqoon is waydaaraiga waxaa goob joog ka ahaa Wasiirrada Beeraha ee Dowlad goboleedyada, Wasiirka Xannaanada Xoolaha ee Hirshabeelle, Agaasimayaasha Guud, Isku duwaha Qaranka ee Mashruuca FSRP, Isku duwayaasha mashruuca ee Dowlad goboleedyada iyo howl wadeeno kala duwan oo ka socday mashruuca. Intii uu socday aqoon is weydaarsiga, waxaa diiradda lagu saaray xoojinta isku duwidda, dib u eegista horumarka mashruuca iyo qorsheynta waxqabadka, iyadoo la isku raacay in la adkeeyo wada shaqeynta dhammaan dhinacyada fulinaya mashruuca, iyo in dib u eegis lagu sameeyo qorshayaasha si loo dardargeliyo hirgelintooda, isla markaana la xaqiijiyo in Mashruuca FSRP uu noqdo mid waara oo bulshada Soomaaliyeed u horseeda wax qabad muuqata, kana miro dhala heer ka sarreeya himilooyinkii loo dejiyay.

Luulyo 10, 2026visibility227

Wararka

Wasiirka Isgaarsiinta oo shir caalami ah uga qaybgalay Switzerland

Wasiirka ayaa soo bandhigay horumarka Soomaaliya ka gaartay dhismaha kaabeyaasha dhijitaalka ee dowladda.

Luulyo 9, 2026visibility228