Wararka

Maamulka Sh/hoose oo gargaar gaarsiiyay dadkii argagixisadu dhibaatada ugu gaysteen Qoryoolay

Qoray Aadan SooyaalSebtembar 18, 20191 daqiiqo akhrisvisibility87

Qoryoolay-(SONNA)-Gudoomiyaha Gobolka Shabeelaha Hoose Ibraahim Aadan Najax ayaa tagay degmada Qoryooleey ee Gobolkaas, Qoryooleey Maleeshiyaadka Al Shabaab ayaa dad shacab ah oo magaaladaas dagan dhibaato ugu geystay, maleeshiyad ka tirsan Al Shabaab ayaa madaafiic ku tuuray magaaladda Qoryoolay,waxaana madaafiicdaas dhibaato ka soo gaartay dad shacab ah. Gudoomiyaha gobolka Shabeelada hoose ayaa Qoryooley u tagay si dadka dhibaatada soo gaartay gargaar loo gaarsiiyo.isgoona shacbaka uga tacsiyeeyay dhibatada qoysaka danta yar ka Soo garatay madaficdaasi. Wariyaha Warbaahinta Qaranka u qaabilsan Shabeelada hoose Maxamed Cali Cumar Jubba ayaa SONNA sheegay in gudomiyaha gobalka Shabeelada hoose Ibraahim Aadan Najax uu balan qaaday in maamulka gobolka oo kaashanaya dowlad goboledka Koonfur galbeed ay dhisi doonaan guryihii ku dumay weeraradii arxandarada ahaa, islamarkaana ay si gaar ah uga warqabi donnaan carrurta ay dhaleen hoyooyinkii ku geeriyooday halkaasi. Gudomiye Najax ayaa intaas ku daray in maleeshiyaadka Shabaab laga cirib tiri donoo deeganada hoos yimaada dagmada Qoryoolay ee gobalka Shabeelada hoose. Dhawaan ayay ahayd markii ciidamada qaranka Soomaaliyeed ay jab xooggan ugu gaysteen argagixisada dagmada Qoryoolay oo in muda ah dhibaato ku hayay shacbiga ku nool deegaanadaasi.

La wadaag

Sheekooyin La Xiriira

Wararka

𝐆𝐮𝐝𝐝𝐨𝐨𝐦𝐢𝐲𝐚𝐡𝐚 𝐒𝐨𝐃𝐌𝐀 𝐨𝐨 k𝐚 q𝐞𝐲𝐛 g𝐚𝐥𝐚𝐲 𝐃𝐚𝐚𝐡-𝐟𝐮𝐫𝐤𝐚 w𝐚𝐫𝐛𝐢𝐱𝐢𝐧𝐭𝐚 s𝐚𝐛𝐨𝐨𝐥𝐧𝐢𝐦𝐚𝐝𝐚 𝐂𝐚𝐫𝐫𝐮𝐮𝐫𝐭𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝

Muqdisho-(SONNA)-Guddoomiyaha Hay’adda Maareynta Musiibooyinka Qaranka (SoDMA), Mudane Maxamuud Macalin Cabdulle, ayaa ka qeyb galay daah-furka shir heer sare ah oo lagu soo bandhigayay natiijooyinka Warbixinta Saboolnimada Carruurta Soomaaliyeed, kaas oo ay soo qabanqaabisay Hay’adda Tirakoobka Qaranka Soomaaliya (SNBS). Shirka waxaa sidoo kale ka qeyb galay masuuliyiin sare oo ka socday dowladda, hay’adaha Qaramada Midoobay iyo ururrada caalamiga ah ee ka shaqeeya arrimaha horumarinta iyo daryeelka bulshada. Guddoomiyaha Hay’adda Maareynta Musiibooyinka Qaranka SoDMA, Mudane Maxamuud Macalin Cabdulle, oo shirka ka hadlay, ayaa xusay in saboolnimada carruurta ay ka mid tahay caqabadaha waaweyn ee saameeya mustaqbalka bulshada Soomaaliyeed, isagoo adkeeyay muhiimadda ay leedahay in la helo xog sax ah oo lagu saleeyo qorsheynta iyo hirgelinta barnaamijyada lagu yareynayo nuglaanta carruurta. Ugu danbeyn, Guddoomiyuhu wuxuu carrabka ku adkeeyay muhiimadda wada-shaqeynta dowladda, hay’adaha caalamiga ah iyo dhammaan daneeyayaasha si loo xoojiyo dadaallada lagu horumarinayo nolosha carruurta Soomaaliyeed loona yareeyo saameynta saboolnimada iyo dhibaatooyinka bani’aadannimo ee soo noqnoqda.

Juun 18, 2026visibility228

Wararka

Hoggaamiyaha KGS oo la kulmay safiirka Shiinaha ee Soomaaliya

Muqdisho-(SONNA)-Hoggaamiyaha maamulka Koonfur Galbeed Mudane Sheekh Aadan Maxamed Nuur (Madoobe) ayaa maanta magaalada Muqdisho kulan miro-dhal ah kula qaatay Safiirka Dowladda Shiinaha u fadhiya Soomaaliya Danjire Wang Yu. Kulanka ayaa diiradda lagu saaray xoojinta xiriirka saaxiibtinimo iyo iskaashiga soo jireenka ah ee ka dhexeeya Jamhuuriyadda Federaalka Soomaaliya iyo Jamhuuriyadda Shacabka ee Shiinaha, iyadoo labada dhinac ay isla garteen muhiimadda ay leedahay sii ambaqaadidda wada-shaqeynta dhinacyada horumarinta, dhaqaalaha iyo kaabeyaasha dhaqaalaha ee lagu hormarinayo deeganda Koonfur Galbeed. Hoggaamiyaha ayaa safiirka uga mahadceliyey taageerada joogtada ah ee Dowladda Shiinaha ay la garab taagan tahay Soomaaliya, isagoo carrabka ku adkeeyey baahida loo qabo in la kordhiyo mashaariicda horumarineed ee laga hirgelinayo deegaannada Koonfur Galbeed, si loo dardargeliyo horumarka adeegyada bulshada iyo kobaca dhaqaalaha. Danjire Wang Yu ayaa ugu hambaliyeyey Hoggaamiye Sheekh Aadan Madoobe doorashadii lagu doortay isagoona dhankiisa xaqiijiyey sida Dowladda Shiinaha ay uga go’an tahay sii xoojinta iskaashiga kala dhexeeya Soomaaliya, isagoo muujiyey diyaar u ahaanshaha Dowladda Shiinaha ee taageeridda dadaallada horumarineed iyo mashaariicda wax ku oolka ah ee ka hirgelaya deegaannada Koonfur Galbeed. Kulankan ayaa ka mid ah dadaallada maaulka Koonfur Galbeed ee Soomaaliya ay ku xoojinayso deeqbixiyaasha caalamiga ah iyo soo jiidashada maalgashiga iyo mashaariicda horumarineed ee wax ka tari kara horumarka iyo adeegyada bulshada.

Juun 18, 2026visibility230

Wararka

Golaha Wasiirrada oo yeeshay kulankoodii todobaadlaha ahaa

Muqdisho-(SONNA)-Golaha Wasiirrada Xukuumadda Jamhuuriyadda Federaalka Soomaaliya oo maanta yeeshay kulankoodii toddobaadlaha ahaa, ayaa lagu soo bandhigay warbixin tirakoobyo wadata oo ku saabsan Imtixaanka Qaranka Dugsiyada Dhexe iyo Sare ee Sanad-Dugsiyeedka 2025-2026, xaaladda amniga, dhaqaale iyo bulsho ee dalka. Kulanka Golaha oo uu shir-guddoomiyey Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa lagu soo bandhigay warbixinno muhiim ah oo ku saabsan qaban-qaabadda maalmaha xorriyadda iyo midoowga, iyo warbixin ku saabsan Hannaanka Iskaashiga Horumarineed ee Qaramada Midoobay ee Soomaaliya oo xoogga saaraya horumarka Qaranka. Golaha ayaa bogaadiyay doorashadii nabadda kusoo idlaatay ee Dowlad Goboleedka Koonfur Galbeed ee qof iyo codka ahayd, iyada oo si gaar ah loogu mahadceliyay Ra’iisul Wasaare Ku xigeenka Labaad Mudane Jibriil Cabdirishiid Xaaji oo ahaa Hoggaamiyihii Kumeel Gaarka ah ee maamulkaasi, intii lagu jiray xilligii kala guurka iyo doorashada. Golaha Wasiirrada ayaa si adag u cambaareeyay tallaabadii uu Hoggaamiyaha Maamulka Somaliland ku tegay dhulka Falastiiniyiinta ee ay Israa’iil xoogga ku haysato. Golaha ayaa xusay in tallaabadaasi ay si cad uga hor imaanayso Dastuurka Jamhuuriyadda Federaalka Soomaaliya, shuruucda caalamiga ah iyo mabaadi’da dhowrista madaxbannaanida dalalka iyo xuquuqaha bulshooyinka dulman. Golaha Wasiirrada ayaa sidoo kale ku bogaadiyay Ciidamada Amniga dadaalka ay ugu jiraan xaqiijinta amniga caasimadda, iyagoo ka hortagay falal amni-darro oo la doonayay in lagu carqaladeeyo nabadgelyada iyo horumarka ka jira dalka. Kulanka ayaa ugu dambeyntii cod aqlabiyad ah lagu ansixiyay xubin ka mid ah Guddiga Madaxa-Bannaan ee Xuquuqul Insaanka Soomaaliya, kaas oo magaciisu yahay Mudane Maxamed Xasan Nuur, ahna sharciyaqaan sare oo kusoo baxay habraac tartan furan ah kaddib markii xubin kale uu xilka banneeyay.

Juun 18, 2026visibility230