Dowladaha Soomaaliya iyo Shiinaha oo ka wada hadlay xoojinta iskaashiga labada dal

Muqdisho(SONNA):-Wasiirka Wasaaradda Arrimaha Dibadda iyo Iskaashiga Caalamiga ah ee JFS, Mudane Abdisalam Ali, ayaa qaabilay Safiirka Jamhuuriyadda Shacbiga Shiinaha u fadhiya Soomaaliya, Mudane Wang Yu, kulanka ayaa looga wada hadlay xoojinta saaxiibtinimada iyo iskaashiga muddada dheer ee ka dhexeeya labada dal.

Kulanka ayaa diiradda lagu saaray sida ay labada Dowladood ee Soomaaliya iyo Shiinaha uga go’an tahay sii joogteenta iskaashiga laba geesoodka ah iyo horumarinta danaha ay labada dal wadaagaan.