Ciidanka Kumaandooska Danab oo howlgal qorshaysan ka fuliyay duleedka deegaanka Harboole ee degmada Afmadow

Muqdisho(SONNA):-Ciidanka Kumaandooska Danab, oo kaashanaya saaxiibada caalamiga ah, ayaa howlgal qorshaysan ka fuliyay duleedka deegaanka Harboole ee degmada Afmadow ee gobolka Jubbada Hoose.

Intii uu socday howlgalka, waxaa lagu burburiyay koox miinooyin dhigaysay oo ka tirsan Khawaarijta, kuwaas oo ku howllanaa diyaarinta iyo dhigista miinooyin iyo waxyaabaha qarxa, kuwaas oo lagu bartilmaameedsanayo waddooyinka ay isticmaalaan gaadiidka shacabka.