AGAASIME KUXIGEENKA GUUD EE MADAXTOOYADA OO XARIGGA KA JARAY DHISMAYAAL LAGU HORUMARINAYO BILICDA MADAXTOOYADA QARANKA

Muqdisho,(SONNA):- Agaasime Kuxigeenka Guud ee Madaxtooyada Jamhuuriyadda Federaalka Soomaaliya, ahna Kusimaha Agaasimaha Guud Mudane Zakariye Yuusuf Xuseen ayaa xarigga ka jaray dhismayaal qayb ka ah qorshaha dib-u-habaynta iyo casriyeynta Madaxtooyada Qaranka.

Dhismayaasha uu xarigga ka jaray Agaasimuhu waxaa ka mid ah astaanta Madaxtooyada iyo dhismeyaal kale oo muhiim u ah muuqaalka iyo bilicda guriga ee Madaxtooyada Qaranka Soomaaliyeed.

Agaasime Sakariye ayaa bogaadiyey dadaalka iyo wada-shaqaynta lagu hirgeliyey hawlahan, isaga oo si gaar ah ugu mahadceliyey shaqaalaha, farsamayaqaannada iyo qaybaha kala duwan ee ka qayb qaatay qorshaynta, dhismaha iyo dhammaystirka hawlahan.

Ugu dambayn, Kusimaha Agaasimaha Guud ayaa adkeeyey muhiimadda ay leedahay xoojinta dadaallada lagu horumarinayo Madaxtooyada Qaranka, maadaama ay muujinayso horumarka iyo dib u kabashada dalkeenna.