𝐑𝐚’𝐢𝐢𝐬𝐮𝐥 𝐖𝐚𝐬𝐚𝐚𝐫𝐞 𝐊𝐮-𝐗𝐢𝐠𝐞𝐞𝐧𝐤𝐚 𝐗𝐉𝐅𝐒 𝐨𝐨 𝐐𝐚𝐚𝐛𝐢𝐥𝐚𝐲 𝐀𝐠𝐚𝐚𝐬𝐢𝐦𝐚𝐡𝐚 𝐆𝐨𝐛𝐨𝐥𝐤𝐚 𝐞𝐞 𝐈𝐅𝐀𝐃

Muqdisho(SONNA):-Ra’iisul Wasaare Ku-xigeenka Xukuumadda Federaalka Soomaaliya, Mudane Saalax Axmed Jaamac, ayaa maanta qaabbilay Mudane Naoufel Telahigue Agaasime-Goboleedka Sanduuqa Caalamiga ee Horumarinta Beeraha (IFAD) u qaabilsan Bariga Dhexe, Woqooyiga Afrika, Yurub iyo Bartamaha Aasiya.

Kulankan ayaa Ra'iisul Wasaare Ku-Xigeenka iyo Agaasime-Goboleedku ka ga wadahadleen iskaashiga Soomaaliya iyo IFAD, gaar ahaan horumarinta beeraha iyo xoolaha nool, sugnaanta cunnada, adkeysiga isbeddelka cimilada iyo taageerada beeraleyda, xoolo-dhaqatada iyo bulshooyinka nugul.</p>

Sidoo kale, labada dhinac ayaa ka wada hadlay mashaariicda horumarineed IFAD ka hirgeliso Soomaaliya, xoojinta awoodda hay’adaha dawladda iyo sidii loo ballaadhin lahaa maalgelinta horumarinta beeraha, biyaha, suuqyada iyo fursadaha dhaqaale ee bulshada reer guuraaga ah.