Madaxweyne Trump oo dib u billaabay ololihiisa doorashada

WASHINGTON-(SONNA)- Ololoha doorashada Trump ayaa ku soo aadaya iyadoo doorashada madaxweynaha ay ka harsan tahay wax ka yer 3-todobaad, maadama doorashada ay ku jadwalaysan tahay Talaadada ugu horaysa bisha 11aad oo ku beegan 3da November, madaxweynaha Maraykanka ayaa wuxuu ololihiisa dib uga billaabaya gobalka Florida, oo ah gobal ay ku tashanayaan Trump iyo musharaxa xisbiga dimuquraadiga Joe Biden,Trump wuxuu saddex maalmood ku jiray isbitaalka ciidamada millatariga ee Welter Red gobalka Miiraliland, halkaasoo looga daweenayay xanuunka COVID-19.

Ololaha Trump ayaa ka dhici doona garoonka diyaaradaha Sanford, halkaasoo uu kula hadli doono taageerayaashiisa,Saraakiisha hoggaaminaya ololaha Trump ayaa saxaafadda u sheegay in madaxweynaha uu immaan doono garoonka caalamiga ee Orlando Sanford marka ay saacadda tahay 7-da fiidnimo,Kulankaan ayaa la baajiyay 2-dii bishan, kaddib markii madaxweynaha uu xanuunsaday

Trump oo 74-jir ah wuxuu Axaddii sheegay inuu ka soo bogsaday xanuunka Covid19, wuxuuna intaasi raaciyay in maanta oo Isniin ah uu gaari doono

"Sanford, Florida oo uu ka dhici doono kulan aad u weyn!" Trump ayaa sidaasi bartiisa Twitter-ka qoray.

Trump wuxuu saddex maalmood ka hor la kulmay boqolaal qof oo ku sugnaa South Lawn oo ku yaalla Aqalka Cad, waana markii ugu horraysay uu ka qaybgalo kulan tan iyo markii uu shaaciyay in laga helay xanuunka  coronavirus.

Madaxweynahaan Jamhuuriga ka tirsan oo mar labaad u loolamaya inuu ku soo noqdo aqalka cad wuxuu raadinaya inuu wax ka baddelo ololihiisa doorashada oo ra'yi ururin la sameeyay ay muujinayso inuu ka horeeyo Joe Biden maadama doorashada ay ka harsan tahay 21 maalmood.

Leave a Comment