Isla-xisaabtanku waa muraayad laga daawado horumarka (warbixin)

Nidaam  kasta oo dowladnimo waxaa dhab ah in uusan ka maarmin jaangoyn siyaasadeed oo ku aadan  islaxisaabtan,kaas  oo keeenaya in si nidaam ah loo maamulo,habka shaqada iyo shaqaalaha, dhaqaaalaha dalka iyo la socodka goobaha laga fuliyo adeegyada bulshada,iyadoo mar kasta laga fogaanayo ficilada muujinaya musuqmaasuqa iyo wax isdabamarinta.

Haddaba,isla xisaabtanku waa barnaamij muhiim ah iyo dadaal ballaaran oo ku yimid codsiga tooska ah ee Madaxda dalka, ka dib markii la dersay baahiyaha gaarka ah ee loo qabo in shacabku ay ogaadaan waxyaabaha ama adeegyada ay dowladooda u haysto unadda.

Isla xisaabtanku waa muraayad laga daawado horumarka dowladnimo,waana barnaamij ay dhaqangalintiisa si ficil ah u hoggaaminayaan golaha xukuuuumadda,kan shacabka iyo garsoorka,iyadoo,ujeedada fog ee laga leeyahay ay tahay in la abuuro jawi wadashaqeyneed oo dhexmara shacabka iyo dowladda.

Waxaa xaqiiqo ah in la hirgaliyay dadaaladii dowladda ee ahaa in shacbiga Soomaaliyeed loo ilaaliyo ammaanadii wax ku oolka aheyd ee ee loo haayey, waxaana arimahaasi suuurtagaliyay

dowladdu ku shaqeysay isla xisaabtan dhab ah iyo maamul adag oo fogeeyay musuqmaasuqa iyo wax isdaba marinta.

Nasiib wanaag waxaa  muuqata in dowladdu  ay heshay Kalsoonida bulshada,kadib markii si dhab ah loo gudagalay wada shaqeyn xoogan oo u dhaxeysa maamulka Maaliyayadda ,kan Bangiga iyo madaxda kale ,si ay meesha uga baxdo in  gacan kaliya ay maamusho hantida umadda.

Nidaamka dowladda ee isla xisaabtanka  waa tallaabo ay dowladdu ku doonayso in shacabka lala wadaago xogta dowladda,waana barnaamij kamid ah tiirarka asaaska u ah  dimuqraaddiyadda, hormarka dhaqaaalaha iyo Dowlad xilkas ah oo suurtagalisa in dhammaan, shaqaalaha, ururada bulshada rayidka, ganacsatada  iyo dadweynaha kale ay si fudud u helaan xogaha  dawladda

Dowladdu ,waxa ay ka shaqayneysaa sidii qof walba u dareemi lahaa inuu dawladda qeyb ka yahay isaga oo aaminsan inuu  isha ku hayo isla markaasna uu saxo wixii khaldama, waana arrin keeni karta in la wajaho dhinaca dawlad wanaagga, lana cirib tiro musuq-maasuqa iyo wax kasta oo ragaadin kara dawlad wanaagga.

Waa wax lagu faano in dowladda Soomaaliya ay la timid barnaamijka isla xisaabtan ah oo aan weli ka hirgalin dalal naga horeeya xagga nabadgelyada iyo horumarka,sidaa daraadeed,waxaa hubaal ah in haddii nidaamkaan loo dhaqan geliyo sida ugu haboon,iyada oo la adeegsanayo qaabab casri ah ay faa’iiido weyn ugu jirto  dadweynaha  iyo dawladdaba.

Dadaalka dowladda ee dhinaca isla xisaabtanka  ayaa ah mid daba socda  dib u howlgalinta shabakadda hindisaha dahfurnaanta ,kaas oo lagu soo bandhigaayo xogaha shaqo iyo waxqabadka wasaradaha dowladda

Inkasta oo madaxda dowladda Feeraalka ay qeyb ahaan ku guuleysteen habsami u fulinta barnaamijyada ku saabsan isla xisaabtanka, haddana,waxaa looga fadhiyaa in ay dardargeliyaan adeegyo kasta oo lagama maarmaan u ah bulshada,isla markaana la xoojiyo kalsoonida.

W/Qoray Shire Xasan Kulmiye