Hor-jooge ka tirsanaa Al-Shabaab oo isa soo dhiibay+Sawirro

Muqdisho-(SONNA)-Yaroow Xasan Aaden, oo ka mid ahaa hor-joogayaasha Al-Shabaab ayaa Maanta isu soo dhiibay Ciidanka Xoogga Dalka Soomaaliya ee ku sugan Degmada Xuddur ee Gobolka Bakool.

Hor-joogahan oo uu Magaciisa Af-garashadu ahaa Seyfu-Laah, ayaa sheegay in uu ka tanaasulay fikirkii gurracnaa ee Argagixisada, wuxuuna codsaday in la cafiyo, haatanna uu diyaar u yahay in uu la dagaallamo Al-Shabaab.

Yaroow Xasan Aaden, oo loogu yeeri jiray (Seyfu-Laah), ayaa sheegay in uu Al-Shabaab ugu soo baxay xasuuqa ay u geysanayaan Ummadda muslimiinta ah ee Soomaaliyeed, Dadkuna ay macna la'aan ku gowracayaan, isla maraakan uusan waxba ka qaban karin.

Seyfu-Laah, ayaa sheegay in uu kasoo dagaallamay Gobollo badan oo ka tirsan Soomaaliya,wuxuuna Kooxda Al-Shabaab u qaabbilsanaa isku xirka Ciidanka iyo hor-joogayaasha.