Dowladda Qatar oo sheegtay in ay korodhay tirada Dadka qaba Cudurka Covid-19

Doxa-(SONNA)-Tirada guud ee Dadka uu cudurka Covid-19 soo ritay Dalka Qatar ayaa korortay, waxaana inta la ogyahay haatan la diiwaan geliyay 634 Qof, sida ay Maanta oo Isniin ah sheegtay Wasiirka Caafimaadka ee Dalka Qatar, Drs, Xanaan Muxamed Al-Kuwari.

Wasiirka Caafimaadka ee Dowladda Qatar ayaa sheegtay in 44 Qof oo cusub laga helay calaamadaha xanuunka Corona, kuwaas oo isugu jira Dad dibedda ka yimid iyo qaar la xariiray bukaanno hore oo qabay cudurka Covid-19.

Dowladda Qatar ayaa Axaddii Shalay ku dhowaaqday geerida Qofkii ugu horreeyey ee u dhinta caabuqa Corona virus.