Madaxweynaha Dowlad goboleedka K/Galbeed oo Shir Guddoomiyey Golaha Wasiirada ee maamulkaasi”Sawirro”

Madaxweynaha Dowlad goboleedka K/Galbeed oo Shir Guddoomiyey Golaha Wasiirada ee maamulkaasi”Sawirro”

SHARE

Baydhabo (SONNA)- Madaxweynaha Dowlad Goboleedka Koonfur Galbeed Soomaliya Mudane Cabdicasiis Xasan Maxamed ( Lafta gareen ) ayaa Shir Gudoomiyey Shirka Khamiis laha ee ay yeeshaan Golaha Wasiirada Dowlad Goboleedka Koonfur Galbeed,kaas oo looga hadlay Arimaha Amaanka Dhaqaalaha iyo Siyaasada Guud.

Wasiirka Wasaarada Amniga Gudaha Dowlad Goboleedka Koonfur Galbeed Soomaaliya ayaa ka Warbixiyay Xaalada Amaanka Guud KGS isagoo Sheegey in Weerarkii Maleshiyada Al shabaab ay ku Qaaden Degmada Awdheegle ee Gobolka Shabeelaha Hoose lagu Gaarsiyey Jab xoogan, Sidoo kale Wasiirka ayaa ka Warbixiyey Howlgalkii u dambeyey Ciidanka Xooga Dalka iyo Kuwa Darawiishta KGS ay ka Fuliyeen Deegano Hoosyimada Degmada Baydhabo, kaasi oo Maxabiis ay u xirneyd lagaga Soo Furtay Maleshiyada Alshabaab.

Shirka inta uu Socday waxa sidoo kale looga hadlay Shaqaaqadii Dhowaan ka dhacday Magaaladda Baydhabo, Taasi oo ay ku Geeriyooden Dad Shacab ah oo aan Waxba Galabsan.

Madaxweynaha Dowlad Goboledka Koonfur Galbeed Soomaaliya Mudane Cabdicasiis Xasan Maxamed Lafta Gareen ayaa Boggaadiyey Ciidanka Xooga Dalka iyo Kuwa Darawiishta KGD Howlgalada ay kawadan Guud ahaan Gobolada Baay, Bakool iyo Shabeelaha Hoose.

LEAVE A REPLY