Horjooge Cali Dheere oo dhaawac culus ka soo gaaray howlgal ka dhacay...

Horjooge Cali Dheere oo dhaawac culus ka soo gaaray howlgal ka dhacay Shabeellaha hoose

SHARE

Muqdisho(SONNA):- Wararka aynu ka heleyno Gobolka Shabeelaha hoose ayaa sheegaya in horjooge Cali Maxamuud Raage Cali dheere uu ku dhaawacmay howlgal dhawaan ka dhacay Deegaanka Shaam oo hoostaga Degmada Awdheegle ee Gobolkaasi.

Howlgalka oo dhacay 11-kii bishan kana dhacay deegaanka Shaam oo dhaca inta u dhaxeysa Bariire iyo Awdheegle ayaa ka yimid ka dib markii ay ciidanka Xoogga dalka ay howlgal qorsheysan ka fuliyeen aagaasi oo xilligaasi maleeshiyaad uu la socday Horjooge Cali Dheere ku socdaalayay.

Weerarka ayaa sidoo kale,waxaa Al-Shabaab lagaga dilay 17-maleeshiyo halka 25-kale oo uu ku jiro Afhayeenkooda dhaawac culus lagu gaarsiiyay,waxaana hadda dhaawaca cali Dheere lagu hayaa deegaanka Kuntuwaareey ee Gobolka Shabeelaha hoose,sida ay saaraakiil ka tirsan Ciidamada Xoogga dalka u xaqiijiyeen Idaacada C.Q.S.

Ciidamada Xoogga dalka ayaa dhawaan maleeshiyadda Al-Shabaab ka saaray degmada Awdheegle oo ay ka geysan jireen  dhibaatooyin xagga shacabka ah,waxaana hadda degmadaasi dib ugu soo noqday dadkii horay uga barakacay handadaada Al-Shabaab nolol cusubna bilaabay.

LEAVE A REPLY