Qadar:Dadka reer Falastiin oo loogu  deeqay 480 milyan  oo doolar.

 Qadar:Dadka reer Falastiin oo loogu  deeqay 480 milyan  oo doolar.

SHARE

Xukuumadda Qadar ayaa sheegtay in ay u direyso dadka reer Falastiin lacago doolar ah oo gaaraya 480 milyan,gaar ahaan dadka ku sugan deegaanka Daanta Galbeed ee ay heystaan ciidamada Isra’il iyo Marinka Gasa ee ku jira xaalad go’doon ah.

Hadal manta oo Talaado ah ay sii daayeen Wasaaradda Arimaha Dibadda ee dalka Qadar,ayaa lagu sheegay in 3-boqol oo milyan oo ka mid ah lacagahaasi lagu taageeraayo barnaamijyada dhinacyada Caafimaadka iyo kuwa Waxbarashada ee ka socda magaalada Ramallah oo xarun u ah maamulka Falastiin,isla markaana gacanta ku haya  qeybo ka mid ah Daanta Galbeed.

180 milyan ayaa sidoo kale loo qorsheeyay habka gargaarka degdegga ah ee xagga bini’aadanimada ,gaar ahaan barnaamijyada samofalka iyo kuwa Korontada  ee ay wadaan Qaramada Midoobay.

Sadexdii cisho ee u dambeysay waxaa jiray duqeymo lala beegsaday Marinka Gasa iyo Koonfurta Isra’il ,kuwaas  oo galaaftay nolosha 25-ruux oo Falastiiniyiin ah iyo 4- Yahuud ah.

Maalinimadii shalay Isra’il iyo Falastiin waxa ay gaareen  heshiid xabad-joojin ah oo ay soo qaban qaabiyeen Masar iyo Qadar,waxaana caawiyay Qaramada Midoobay,.

LEAVE A REPLY