Xeer illaaliyaha Guud ee Qaranka oo gaaray magaalada Baydhabo “SAWIRRO”

Muqdisho (SONNA)-

Wafdi uu hogaaminayo Xeer ilaaliyah Guud ee Qaranka Dr. Axmed Cali Daahir ayaa maanta gaaray magaalada Baydhabo ee xaruunta Gobolka Baay, waxaana garoonka diyaaradaha Baydhabo ku soo dhaweyay Wasiiro, Xildhibaanno ka tirsan Dowlad Goboleedka Koonfur Galbeed Soomaaliya iyo Guddomiyaha Maxkamadda  Sare Ee Dowlad Goboleedka KGS Mudane Axmed Cali Muuse.

Soodhaweyn ka dib waxaaa loo soo galbiyay Xaruunta Madaxtooyada Koonfur galbeed Halkaasi oo ay kullan kula qaateen Guddoomiyaha Baarlamanka KG Mudane Cabdiqaadir Shariif Sheekhuna Maye , iyagoona ay iska xog wareysteen Xaaladda dalka iyo ujeedka Maanta Baydhabo u gaareen.

Dhanka Kale wafdiga Xeer Ilaaliyah Qaranka ayaa Waxaa ay Booqdeen Xaruunta Maxkamada Sare ee Dowlad Goboleedka Koonfur Galbeed, Waxana halkaasi ku soo dhaweyay Shaqaalaha Maxkamadda iyo Madaxdooda Kala Duwan.

Sido kale Xeer ilaaliyaha Qaranka ayaa waxa uu kormeeray Xabsiga Dhexe ee magaalada Baydhabo, isagoo Xaaladda Xabsiga iyo Maxaabiista Ku jirta warbixin ka siiyay Taliyaha Ciidanka Asluubta KGS.

Guddoomiyaha Maxkamadda Sare Ee Dowlad Goboleedka Koonfur Galbeed Soomaaliya Axmed Cali Muuse ayaa Baydhabo Ku soo dhaweyay Wafdi Uu Hogaaminaayo Xeer Ilaaliyaha qaranka .

Dr. Axmed Cali Daahir ayaa ka warbixiyay ujeedada ay u soo gaareen Magaalada Baydhabo, isagoona sheegey in uu u yimid sidii ugu kuurgali lahaa qaabka uu u shaqeeyo Xabsigga iyo Garsoorka KGS.

Leave a Comment