Nemanja Matic oo aan ku faraxsanayn Old Trafford, alabaabadana u furay inuu u dhaqaaqo dalka Talyaaniga

Manchester (SONNA)- Ciyaaryahanka Nemanja Matic ayaa la soo warinayaa inuu albaabada u furay inuu u dhaqaaqo horyaalka Serie A ee dalka Talyaaniga marka dib loo furo suuqa kala iibsiga xiddigaha bisha Janaayo.

Warsidaha FC Inter News ayaa warinaya in laacibka khadka dhexe ee Manchester United, Nemanja Matic uusan ku faraxsanayan garoonka Old Trafford, isla markaana uu u dhaqaaqi karo kooxda Inter Milan bisha Janaayo.

Xiddigan xulka qaranka Serbia ayaa la dhibtoonaya daqiiqadaha yar ee uu ciyaarsiiyo macallinka Man United ee Ole Gunnar Solskjaer, iyadoo qandaraaskiisa uu dhacayo dhammaadka xilli ciyaareedkan, suurtogalnimada uu ugu wareegayo dalka Talyaaniga ayaa laga yaabaa inay qabsoonto horraanta sanadka cusub ee 2020.

Matic ayaa la soo warinayaa inuu alabaabada u furay inuu u dhaqaaqo horyaalka Serie A-da Talyaaniga, halka macallin Antiono Conte uu u muuqdo mid doonaya inuu dib ula midoobo xiddigiisii hore ee Chelsea.

Leave a Comment