Ra’iisul wasaaraha cusub ee Itoobiya oo goor dhow booqanaya Jig-jiga

Ra’iisul wasaaraha cusub ee Itoobiya oo goor dhow booqanaya Jig-jiga

1118
0
SHARE

Addis ababa-(SONNA)- Ra’iisul wasaaraha cusub ee Dalka Itoobiya Abiy Axmed Cali ayaa Maanta lagu wadaa inuu booqashadiisii ugu horaysay ku tago Magaalada Jigjiga ee xarunta Dowlad degaanka Soomaalida Itoobiya.

Mr. Abiy ayaa Magaalada Jigjiga kulamo kula yeelan doono masuuliyiinta is maamulka Soomaalida, hoggaanka dhaqanka iyo qaybaha kala duwan ee Bulshada, iyadoo la filayo in kulamadasi diiradda lagu saaro khilaafaadkii gacan ka hadalka sababay ee dhex maray Qoomiyadaha Soomaalida iyo Oromada Dalkaasi

Abiy Axmed Cali ayaa sidoo kale booqasho ku tagi doono degaannada kale ee Itooobiya ka kooban tahay inta uusan soo dhisin Golahiisa Wasiirrada, isagoo Qoomiyad walba lagu wado inuu la kulmo hoggaankeeda siyaasadda iyo kan dhaqanka.

Abiya oo dhawaan loo doortay inuu noqdo Ra’iisul wasaaraha Dalkaasi iyo hogaamiyaha isbahaysiga talada haya ayaa beddelaya Hailemariam Desalegn, oo xilkaasi iska casilay markii ay dalka Itoobiya hareeyeen mudaharaadyo rabshada wata oo ay hoggaaminayeen Qoomiyadaha Oromada iyo Axmaarada.

Dhinaca kale waxaa Dalka Itoobiya dib ugu howl-galay adeeggii Isgaarsiinta, gaar ahaan Internet-ka iyo baraha Bulshada oo muddo ku dhow Afar Bilood xannibnaa , ka dib markii lagu soo rogay xaalad degdeg ah oo lagu xakamaynayay kacdoonno halkaasi ka dhacay.

Isha/BBC

LEAVE A REPLY