Myanmar oo Maxkamadaynaysa wariyeyaal ka tirsan Reuters

Myanmar oo Maxkamadaynaysa wariyeyaal ka tirsan Reuters

679
0
SHARE

Yangon-(SONNA)- Waxaa Maanta Maxkamadda Ciidamada Dalka Burma kasoo muuqanaya Laba Suxufi oo ka howl-galayay Wakaaladda Wararka Reuters, kuwaasoo lagu eedeeyay inay warar kasoo tabiyeen tacaddiyada ay Dowladda Myanmar ka geysato Gobolka ay Muslimiintu degaan ee Rakhine.

Amal Clooney, oo ah Qareen u doodda xuquuqul Insaanka ayaa sheegtay inay diyaar u tahay inay difaacdo Labadan Suxufi, waxanay dedaallo ugu jirtaa inuusan ku dhicin xukunka adag ee ay Dowladdu la damacsan tahay.

Wa Lone, oo 31 jir ah iyo Kyaw Soe oo 27 Sano jir ah ayaa la xiray Bishii Disembar ee 2017-kii, waxaana lagu wadaa in loo cuskado sharciga bixinta siraha rasmiga ah ee Dalka, iyadoo laga yaabo in lagu xukumo 14 Sano oo Xabsi ah.

Gail Gove, oo ah Madaxa Wakaaladda Reuters , ayaa sheegay in howshan ay waddo Mss; Clooney ay xoojin doonto khibradda caalamiga ee shirkaddan , isagoo rajo ka muujiyay inay sii ballaarin doonto dedaallada lagu xaqiijinayo sii deynta Saxafiyiintan.

Ka sokoow gabbood fallada ka dhanka ah Dadka Muslimiinta ah ee Dalka Burma ku dhaqan, waxaa halkaasi ka jira cabburinta hadalka iyo dhaq-dhaqaaqyada kale ee xorriyadeed, iyadoo maamulka Dalkaasi ka arrimiyana uu Dhagaha ka fureystay dhaleecayn badan oo ugu timid Qaramada midoobay iyo Beesha Caalamka.

Isha/ Al-Jaziira

LEAVE A REPLY