Agaasimaha Hey’adda Socdaalka iyo Jinsiyadda oo la kulmay Masuuliyiin ka tirsan Switzerland

Agaasimaha Hey’adda Socdaalka iyo Jinsiyadda oo la kulmay Masuuliyiin ka tirsan Switzerland

427
0
SHARE

Bern(SONNA)–Agaasimaha guud ee Hey’adda Socdaalka iyo Jinsiyadda Axmed Aaden Jimcaale Koofi oo howlo shaqo u jooga dalka Switzerland iyo Safiirka Soomaaliya u fadhiya dalkaasi Marwo Faadumo ayaa kulan la qaatey Masuuliyiin ka tirsan Wasaarada arimaha dibadda iyo laanta socdaalka ee Wadankaasi..

Kulanka oo ka dhacey Magaalada Bern ee caasimadda Wadanka Switzerland ayaa ku saabsanaa hagaajinta xariirka labada Dal ee dhinacyada socdaalka iyo baasaboorka Soomaaliya, waxaana halkaasi ka hadlay agaasimaha guud ee Hey’adda Socdaalka iyo Jinsiyadda ee Soomaaliya wuxuuna ka warbixiyey arrimaha socdaalka iyo baasaboorka ee Soomaaliya , isaga oo ka jawaabey su’aalo dhinaca Switzerland ay ka qabeen baasaboorka Soomaaliya.

Saraakiisha mataleysey Switzerland ayaa balan qaadey in ay si dhab ah oo deg deg ah uga shaqeyn doonaan qodobada laga wada hadlay, islmartkaana waxaa lagu balamay kulamo kale oo lagu sii dhameystirayo waxyaabihii laga wada hadlay.

Kulanka kadib Wafdiga Soomaaliya ayaa booqday xaruunta Baarlamaanka Switzerland, waxayna soo arkeen isla markaana dhageystey taariikhda habka federaalka dalka Switzerland oo dhinacyo badan uga eg kan Soomaaliya ay qaadatay.

LEAVE A REPLY